Espezializazio arloen hautua

Lehen sintesia lan bat eramana izan da, Estrategia eta Gidaritza batzordeekin batera 2017ko martxoan, landu beharreko arloen hautatzeko prozesua aitzinarazteko.

Saio horren karietara, eta Orkestra (Euskadiko lehiakortasun institutua) gure partaideak 3 lurraldeetako espezializazio adimendun estrategiez burutu ikerketetan oinarriturik, lehentasunezko 4 arlo nabarmenduak izan dira:

Fabrikazio aurreratua

Energia

Laborantza-elikadura

Osasuna

3 eskualdeetan aurkitzen dira arlo hauek eta Batzordeetako kideek adierazi dute 2 arloetako azken hautaketa, lurraldeko eragile ekonomikoei zuzendu galdeketa baten ondotik egin dadin nahi luketela.

Era berean Gidaritza Batzordeak (ADI-NA-k, SPRI-k, Nafarroako gobernuko ekonomia sailak eta Euroeskualdeak osaturik) bere aldetik, sortu behar diren mugazgaindiko poloen izaera zehaztea gomendiatu du.

Balio kate berri bat osatzeko gaitasuna duten enpresa eta zentro tekniko « pool » bat ote? Edo problematika komun baten tratamenduan bereizten den Métacluster bat? Edo mugazgaindiko lurralde ekonomikoan aurkitzen diren behar eta eskaintzak zerrendatzen dituen plataforma numeriko bat?

Tokiko eragileekin bilduz, gaiaz duten iritzia biltzen ahalko da.

Eragileenganeko tokian bereko inkesta

4 espezializazio alorren aitzin-hautaketaren ondorioz, nagusiki enpresa, zentro teknikoengan burutu tokian bereko inkesta bati esker bakoitzaren berrikuntza potentziala zehazt daiteke.

Honela, ekaina bukaera arte bilduak izanen diren datuei esker, 4 tematikekin loturan jadanik abiatu edo desiratu berrikuntza aukerak identifikatzen ahalko dira.

Ororen buru, informazio guzi horiek bilduz, proiektu bukaera arte landu beharreko 2 alorrak hautatu eta Akitania-Euskadi-Nafarroa mugazgaindiko eremuko lehiakortasunaren azterketa dokumentu bateratu bat burutzen ahalko dira.

Lankidetzaren ondorioa

Beste mugazgaindiko elkarlan esperientzia batzuk aztertu ondoren, 2 erronka ezberdin identifikatu ditugu:

Elkarlana beharrezkoa da eskelako ekonomiak bilatzean, partaide ezberdinen aktiboak biltzeko asmoz. Honela, merkatu berri eta handiagoetara heltzen lagunduko duen masa kritiko bat lortzen da.

Arlo bereziei dagokienez ikusgarritasun emendatu bat nazio arte mailan (europar, nazional mailako ikusgarritasun handiagoa) eta beraz interes handiagoa atzerriko inbestitzaileen partetik izan daitezke horren etekin gehigarriak.

Partaideen arteko osagarritasunez lan egitea dakar hedadurako ekonomiak bilatzea. Honela, taldeak aterabide orokorra eskaintzen ahal die, kideak banaka kontaktatu behar zituzten bezeroei.

Ikerketa, teknologia eta industrial etekin arloko espezializazioen arteko ezberdintasunetan oinarritua da osagarritasuna.

Bitarteko eragileen zeregina

Hautatu alorretan ekiten duten elkarteak, sostengu erakundeak, garapen agentziak, clusterrak bezalako bitarteko eragile batzuk izatea funtsezkoa bilakatzen ahal da, arlo konkretu batean lankidetza dinamika bat proposatzean. Ahalaz, eragile hauek RIS3-an inplikatuak izan behar dira eta lurralde bakoitzeko estrategiekin eta bertatik atera ekimenekilako lotura segurtatu behar dituzte.

Era berdinean, eragile hauek hautatu alorra ezagutu behar dute eta haren enpresaritza ehunarekin bai eta zientzia-teknikoarekin konektatu behar dira.

Eragile horiek inplikatuz, ekimen honen epe luzeko iraunkortasuna bermatua da.